رینٹل پاورکیس میں نیب کافوجداری کارروائی کرنے کافیصلہ

نیب نے رینٹل پاورکیس میں وزارت پانی وبجلی کے دو سابق سیکریٹریوں شاہد رفیع اور اشفاق محمودکو بیان ریکارڈکرانے کیلیے دوبارہ سمن جاری کر دیے ہیں۔


نیب کی طرف سے جاری اعلامیے کے مطابق نیب نے فیصلہ کیاہے کہ رینٹل پاورکیس میں ذمے دار افسران کے خلاف فوجداری کارروائی شروع کی جائے ۔مختلف محکموںکے ایک درجن سے زائد افسران کوسمن جاری کیے گئے ہیں جبکہ نیب کی تحقیقاتی ٹیم نے مزید افسران کو سمن جاری کرنے کا فیصلہ کیاہے جبکہ اس تناظر میں نیب نے سابق وزراپانی وبجلی کے بیانات ریکارڈ کیے گئے ہیں اور واپڈا کے ایک افسر رانا محمد امجد کوگرفتار کیا گیا ہے۔

نیب نے سپریم کورٹ کے رواں سال30مارچ کے فیصلے کی روشنی میں لوٹی گئی قومی دولت کی ریکوری کیلیے نیب نے دو درجن سے نامزد ملزمان کے نام ایگزٹ کنٹرول لسٹ میں ڈالنے اور ان کے بینک اکائونٹس پر پابندی لگانے کی سفارش کی ہے جبکہ اب تک پانچ ارب کی ریکوری کیلیے اقدامات کیے گئے ہیں ۔