حُسن کے سنورنے کو دھوپ اک بہانہ ہے

موسم گرما ہمارے دروبام پر اُتر آیا ہے۔

دھوپ اپنی پوری چمک اور شدت کے ساتھ دن کے ہر لمحے کو جھلسارہی ہے۔ رُت کا بدلنا ہماری زندگی میں کھانوں سے لباس تک بہت کچھ بدل دیتا ہے۔




دھوپ کے چشمے بھی اس تبدیلی کا حصہ ہیں، بہت خوب صورت حصہ۔ مختلف رنگوں کے ڈیزائنز کے چشمے آنکھوں کو دھوپ کی حدت سے بچانے کے ساتھ ساتھ چہرے کو دل کشی اور شخصیت کو وقار بھی عطا کرتے ہیں، چناں چہ یہ چشمے ضرورت سے زیادہ فیشن بن گئے ہیں اور کہا جاسکتا ہے کہ۔۔۔حُسن کے سنورنے کو دھوپ اک بہانہ ہے۔