فواد خان نے بالی ووڈ اداکاروں کی موجودگی میں ایک اورایوارڈ اپنے نام کرلیا

بالی ووڈ میں اپنی اداکاری کے جوہر دکھانے والے پاکستانی اداکار فواد خان نے آئی بی این لائیو مووی کا ''بیسٹ میل ڈیبو'' اپنے نام کرلیا ہے۔


بھارتی میڈیا کے مطابق پاکستانی اداکار فواد خان نے اپنی جاندار اکاری کے باعث بالی ووڈ کے کئی اداکاروں کو پیچھے چھوڑ دیا ہے۔ آئی بی این لائیو مووی بیسٹ میل ڈیبیو ایوارڈ کے لئے مداحوں نے فلم ''خوبصورت'' کے ہیرو فواد خان کو 48.54 فیصد، دوسرے نمبر پر ''فلمستان'' کے انعام کو 40.58 فیصد اور تیسرے امید وار اور فلم ''ہیروپنتی'' کے ٹائیگر کو صرف 2.45 فیصد ووٹ دیئے۔

واضح رہے کہ گزشتہ دنوں اداکار فواد خان نے فلم فیئر ایوارڈ 2015 بھی اپنے نام کیا تھا۔