تحریک انصاف کی شخصیات کا بیان ریکارڈ کرنے اور جرح کیلئے جوڈیشل کمیشن میں درخواست
37 حلقوں کا ریکارڈ سر بمہر اور 13 شخصیات کا بیان قلمبند کرنے سمیت جرح کے لیے 2 مختلف درخواستیں جمع کرائی گئیں
تحریک انصاف کی جانب سے عام انتخابات میں جاری کیے گئے اپنے وائٹ پیپر سمیت دیگر دستاویزات کو بطور ثبوت کمیشن میں جمع کرایا گیا ہے
پاکستان تحریک انصاف نے عام انتخابات میں مبینہ دھاندلی کی تحقیقات کے لیے قائم جوڈیشل کمشین میں شخصیات کا بیان ریکارڈ کرنے اور جرح کے لیے درخواستیں جمع کرادی ہیں۔
ایکسپریس نیوز کےمطابق تحریک انصاف کی جانب سے عدالتی کمیشن میں 37 حلقوں کا ریکارڈ سر بمہر کرنے اور عام انتخابات کے وقت پنجاب کے نگراں وزیراعلیٰ، چیف سیکریٹری، الیکشن کمیشن حکام اور سابق رکن قومی اسمبلی نبیل گبول سمیت 13 شخصیات کے بیان قلم بند کرنے سمیت جرح کے لیے 2 مختلف درخواستیں جمع کرائی گئی ہیں۔
ذرائع کے مطابق تحریک انصاف کی جانب سے عام انتخابات میں جاری کیے گئے اپنے وائٹ پیپر سمیت دیگر دستاویزات کو بطور ثبوت کمیشن میں جمع کرایا گیا ہے جب کہ دوسری جانب چیرمین تحریک انصاف عمران خان کا کہنا ہےکہ وہ آج جوڈیشل کمیشن میں پیشں ہوں گے جس سے انتخابات میں مینڈیٹ چوری کرنے والوں کی نشاندی ہوگی۔ چیف جسٹس کی سربراہی میں سپریم کورٹ کا اعلیٰ عدالتی کمیشن آج کارروائی کا آغاز کرے گا۔
ایکسپریس نیوز کےمطابق تحریک انصاف کی جانب سے عدالتی کمیشن میں 37 حلقوں کا ریکارڈ سر بمہر کرنے اور عام انتخابات کے وقت پنجاب کے نگراں وزیراعلیٰ، چیف سیکریٹری، الیکشن کمیشن حکام اور سابق رکن قومی اسمبلی نبیل گبول سمیت 13 شخصیات کے بیان قلم بند کرنے سمیت جرح کے لیے 2 مختلف درخواستیں جمع کرائی گئی ہیں۔
ذرائع کے مطابق تحریک انصاف کی جانب سے عام انتخابات میں جاری کیے گئے اپنے وائٹ پیپر سمیت دیگر دستاویزات کو بطور ثبوت کمیشن میں جمع کرایا گیا ہے جب کہ دوسری جانب چیرمین تحریک انصاف عمران خان کا کہنا ہےکہ وہ آج جوڈیشل کمیشن میں پیشں ہوں گے جس سے انتخابات میں مینڈیٹ چوری کرنے والوں کی نشاندی ہوگی۔ چیف جسٹس کی سربراہی میں سپریم کورٹ کا اعلیٰ عدالتی کمیشن آج کارروائی کا آغاز کرے گا۔