چار ملکی ہاکی ٹورنامنٹ میں پاکستان نے جنوبی کوریا کو شکست دے دی
پاکستان نے جنوبی کوریا کو 1-4 سے شکست دے کر پہلی کامیابی حاصل کی
پاکستان کی جانب سے محمد دلبر نے 2، عمر بھٹہ اور محمد عرفان نے ایک ایک گول کیا، فوٹو:فائل
لاہور:
آسٹریلیا میں کھیلےجانے والے 4 ملکی ٹورنامنٹ میں پہلے 2 میچز میں مسلسل شکست کے بعد گرین شرٹس نے بالآخرپہلی کامیابی جنوبی کوریا کو 1-4 سے شکست دے کر حاصل کرلی ہے۔
آسٹریلیا کے شہر ہوبارٹ میں کھیلے جانے والے اپنے تیسرے میچ میں گرین شرٹس نے جارحانہ کھیل پیش کیا اور کھیل کے ابتدا سے کورین گول پوسٹ پر حملے شروع کردیئے تاہم پہلے کوارٹر میں کوئی بھی ٹیم گول کرنے میں کامیاب نہ ہوسکی لیکن دوسرے کوارٹر کے شروع ہوتے ہی گرین شرٹس نے تیز رفتار اور جارحانہ کھیل کا مظاہرہ کرتے ہوئے یکے بعد دیگرے 3 گول کر کے کورین ٹیم کوحیران کردیا۔
کھیل کے تیسرے اور چوتھے کوارٹر میں دونوں ٹیموں نے ایک ایک گول داغا اور یوں پاکستان نے میچ 1-4 سے جیت لیا۔ پاکستان کی جانب سے محمد دلبر نے 2، عمر بھٹہ اور محمد عرفان نے ایک ایک گول کیا۔
واضح رہے کہ اس سے قبل کھیلے گئے پہلے دونوں میچز میں پاکستان کو آسٹریلیا اور آسٹریلیا اے کے ہاتھوں شکست کا سامنا کرنا پڑا تھا جب کہ پاکستان اپنے اگلے میچ میں 7 مئی کو نیوزی لینڈ کے مد مقابل ہوگا۔
آسٹریلیا میں کھیلےجانے والے 4 ملکی ٹورنامنٹ میں پہلے 2 میچز میں مسلسل شکست کے بعد گرین شرٹس نے بالآخرپہلی کامیابی جنوبی کوریا کو 1-4 سے شکست دے کر حاصل کرلی ہے۔
آسٹریلیا کے شہر ہوبارٹ میں کھیلے جانے والے اپنے تیسرے میچ میں گرین شرٹس نے جارحانہ کھیل پیش کیا اور کھیل کے ابتدا سے کورین گول پوسٹ پر حملے شروع کردیئے تاہم پہلے کوارٹر میں کوئی بھی ٹیم گول کرنے میں کامیاب نہ ہوسکی لیکن دوسرے کوارٹر کے شروع ہوتے ہی گرین شرٹس نے تیز رفتار اور جارحانہ کھیل کا مظاہرہ کرتے ہوئے یکے بعد دیگرے 3 گول کر کے کورین ٹیم کوحیران کردیا۔
کھیل کے تیسرے اور چوتھے کوارٹر میں دونوں ٹیموں نے ایک ایک گول داغا اور یوں پاکستان نے میچ 1-4 سے جیت لیا۔ پاکستان کی جانب سے محمد دلبر نے 2، عمر بھٹہ اور محمد عرفان نے ایک ایک گول کیا۔
واضح رہے کہ اس سے قبل کھیلے گئے پہلے دونوں میچز میں پاکستان کو آسٹریلیا اور آسٹریلیا اے کے ہاتھوں شکست کا سامنا کرنا پڑا تھا جب کہ پاکستان اپنے اگلے میچ میں 7 مئی کو نیوزی لینڈ کے مد مقابل ہوگا۔