عاطف اسلم گلوکاری کے بعد اب بھارتی فلموں میں اداکاری کرتے دکھائی دیں گے
گزشتہ چند سالوں سے بھارتی فلموں میں کام کرنے کی پیشکش کی جارہی تھی لیکن مصروفیت کے باعث ہاں نہ کرسکا، گلوکار
گزشتہ چند سالوں سے بھارتی فلموں میں کام کرنے کی پیشکش کی جارہی تھی لیکن مصروفیت کے باعث ہاں نہ کرسکا، گلوکار۔ فوٹو: فائل
لاہور:
بولی ووڈ فلم انڈسٹری میں اپنی آواز کا جادو جگانے والے نوعمر پاکستانی گلوکارعاطف اسلم اب بھارتی فلم میں اداکاری کے جوہر دکھائیں گے ۔
اپنے منفرد انداز گلوکاری سے شائقین کے دلوں میں گھر کرنے والے عاطف اسلم ان دنوں بھارت میں ہی موجود ہیں اور میڈیا سے بات چیت کرتے ہوئے ان کا کہنا تھا کہ مجھے گزشتہ چند سالوں سے بھارتی فلموں میں کام کرنے کی پیشکش کی جارہی تھی تاہم مصروفیت کے باعث اس میدان میں قدم رکھنے کا موقع نہ ملا اور اب ممکن ہے کہ رواں سال کے اختتام یا 2016 کے آغاز میں شائقین مجھے کسی فلم میں اداکاری کرتا دیکھیں گے۔
"پہلی نظر میں" ، "تو جانے نا"، "وہ لمحے "، "عادت" اور" تیرے بن"جیسے شاہکار گانوں کی بدولت مقبولیت کی بلندیوں پر پہنچنے والے 32 سالہ عاطف اسلم کے لیے اداکاری کا یہ پہلا تجربہ نہیں ہوگا اس سے پہلے 2011 میں ریلیز ہونے والی شعیب منصور کی سماجی رویوں کی نشاندہی کرتی پاکستانی سپر ہٹ فلم "بول" سے انہوں نے اپنے اداکاری کے کیرئیر کا آغاز کیا جس میں ان کے مقابل عمائمہ ملک نے مرکزی کردار نبھایا تھا، اس وقت سے اب تک بقول عاطف کے ان کے پاس بولی ووڈ سے آنے والی آفرز کی بھرمار ہے لیکن مصروفیت کے باعث اداکاری سے انکار کرتا رہا۔
گلوکار عاطف اسلم اس بات پر زور دیا ہے کہ انہوں نے کوئی فلم سائن نہں کی لیکن وہ طنزیہ رومانوی فلم میں کام کرنے میں خاصی دلچسپی رکھتے ہیں جس کی کہانی محبت اور موسیقی کے گرد گھومتی ہو۔ عاطف اسلم نوجوان نسل کے ان پسندیدہ گلوگاروں میں شامل ہیں جن کو سویلین ایوارڈ "تمغہ امتیاز " سے بھی نوازا جا چکا ہے۔
بولی ووڈ فلم انڈسٹری میں اپنی آواز کا جادو جگانے والے نوعمر پاکستانی گلوکارعاطف اسلم اب بھارتی فلم میں اداکاری کے جوہر دکھائیں گے ۔
اپنے منفرد انداز گلوکاری سے شائقین کے دلوں میں گھر کرنے والے عاطف اسلم ان دنوں بھارت میں ہی موجود ہیں اور میڈیا سے بات چیت کرتے ہوئے ان کا کہنا تھا کہ مجھے گزشتہ چند سالوں سے بھارتی فلموں میں کام کرنے کی پیشکش کی جارہی تھی تاہم مصروفیت کے باعث اس میدان میں قدم رکھنے کا موقع نہ ملا اور اب ممکن ہے کہ رواں سال کے اختتام یا 2016 کے آغاز میں شائقین مجھے کسی فلم میں اداکاری کرتا دیکھیں گے۔
"پہلی نظر میں" ، "تو جانے نا"، "وہ لمحے "، "عادت" اور" تیرے بن"جیسے شاہکار گانوں کی بدولت مقبولیت کی بلندیوں پر پہنچنے والے 32 سالہ عاطف اسلم کے لیے اداکاری کا یہ پہلا تجربہ نہیں ہوگا اس سے پہلے 2011 میں ریلیز ہونے والی شعیب منصور کی سماجی رویوں کی نشاندہی کرتی پاکستانی سپر ہٹ فلم "بول" سے انہوں نے اپنے اداکاری کے کیرئیر کا آغاز کیا جس میں ان کے مقابل عمائمہ ملک نے مرکزی کردار نبھایا تھا، اس وقت سے اب تک بقول عاطف کے ان کے پاس بولی ووڈ سے آنے والی آفرز کی بھرمار ہے لیکن مصروفیت کے باعث اداکاری سے انکار کرتا رہا۔
گلوکار عاطف اسلم اس بات پر زور دیا ہے کہ انہوں نے کوئی فلم سائن نہں کی لیکن وہ طنزیہ رومانوی فلم میں کام کرنے میں خاصی دلچسپی رکھتے ہیں جس کی کہانی محبت اور موسیقی کے گرد گھومتی ہو۔ عاطف اسلم نوجوان نسل کے ان پسندیدہ گلوگاروں میں شامل ہیں جن کو سویلین ایوارڈ "تمغہ امتیاز " سے بھی نوازا جا چکا ہے۔