علما ملالہ پرقاتلانہ حملے کی مذمت کریں وزیرداخلہ رحمان ملک

وزیرداخلہ رحمان ملک نے کہا ہے کہ علما ملالہ پرکئے جانے والے قاتلانہ حملے کی مذمت کریں۔


پارلیمنٹ ہاؤس کے باہر میڈیا سے بات چیت کرتے ہوئے وزیرداخلہ رحمان ملک نے کہا کہ ملالہ پرقاتلانہ حملے کی سازش کس نے کی اورکہاں ہوئی اس کا پتہ چل چکا ہے اور جن لوگوں نے اس حملے کی منصوبہ بندی کی اس کا بھی پتہ چل گیا ہے۔

وزیرداخلہ نے کہا صدرآصف زرداری نے ہدایت کی ہے کہ ملالہ کا علاج اگر بیرون ملک کرانا مقصود ہوتوانہیں فوری طورپربھیجاجائے۔