’’ تیل وبجلی کی قیمت بڑھائیں گے‘‘ پاکستان کی آئی ایم ایف کویقین دہانی

وفاقی حکومت نے آئندہ بجٹ 2015-16ء میں تیل اوربجلی کی قیمتوں میں اضافہ کافیصلہ کرلیاہے،توانائی شعبے میں دی جانیوالی سبسڈی میں کمی کی جائیگی۔


ذرائع کے مطابق دبئی میں پاکستان اورآئی ایم ایف حکام کے مابین جاری ساتویں جائزہ مذاکرات میں آئی ایم ایف حکام کویقین دہانی کروائی ہے کہ آئندہ بجٹ 2015-16ء میں بجلی اورگیس کی قیمتوں میں اضافہ ایک لاکھ افرادکوٹیکس نیٹ میں لانے،توانائی شعبہ میں دی جانیوالی سبسڈی میں کمی اورنجکاری پروگرام کومزیدتیزکرنیکافیصلہ کرلیاگیاہے۔

جس سے آئی ایم ایف حکام کی جانب سے پاکستان کوآئندہ ماہ جون کے آخرمیں 55 کروڑڈالر کی آٹھویں قسط جاری کیے جانیکاامکان ہے،آئی ایم ایف حکام نے بھی پاکستان کی مجموعی کارکردگی پراطمینان کااظہارکیاہے۔