آپریشن ضرب عضب میں پاک فوج کی قربانیوں کو قوم ہمیشہ یاد رکھے گی گورنر پنجاب

گورنر پنجاب رفیق رجوانہ نے کہا ہے کہ پاک فوج دہشت گردی کے خلاف اہم کامیابیاں حاصل کررہی ہے اور آپریشن ضرب عضب میں پاک فوج کی قربانیوں کو قوم ہمیشہ یاد رکھے گی۔


لاہور میں کورکمانڈر لاہور لیفٹیننٹ جنرل نوید زمان نے گورنر پنجاب رفیق رجوانہ سے ملاقات کی جس میں باہمی دلچسپی کے امور، خطے کی صورت حال کے تناظر میں ملک کی مجموعی صورتحال اور دہشت گردی کے خاتمے سمیت اہم امور پر تبادلہ خیال کیا گیا۔ اس موقع پر گورنر پنجاب مسلح افواج کی پیشہ ورانہ صلاحیتوں کی تعریف کرتے ہوئے کہا کہ پاک فوج دہشت گردی کے خلاف اہم کامیابیاں حاصل کررہی ہے، ضرب عضب کی قربانیوں کو قوم ہمیشہ یاد رکھے گی۔