سندھ ریونیوبورڈ نے ایگزیکٹ کمپنی کے مالی گوشواروں کی تفصیلات طلب کرلیں

سندھ ریونیو بورڈ نے مبینہ طور پر جعلی ڈگریوں کی فروخت میں ملوث آئی ٹی کمپنی ایگزیکٹ سے مالی گوشواروں کی تفصیلات طلب کرلیں۔

ایکسپریس نیوز کے مطابق ایف آئی اے نے جعلی ڈگریوں کے معاملے پر ایگزیکٹ کمپنی کے خلاف دستاویزات اور ریکارڈ جمع کرتے ہوئے تحقیقات کا آغاز کردیا جب کہ سندھ بورڈ آف ریونیو نے بھی اسے نوٹس بھجوادیا۔ سندھ ریونیو بورڈ نے بھیجے گئے نوٹس میں کمپنی سے مالی گوشواروں کی تمام تفصیلات 7 روز میں پیش کرنے کی ہدایت کی ہے۔


دوسری جانب ایگزیکٹ کے ترجمان نے تصدیق کی ہے کہ انہیں سندھ ریونیو بورڈ کی جانب سے بھیجا گیا نوٹس موصول ہوگیا ہے۔

https://www.dailymotion.com/video/x2qtlvs_axact-scandle_news