ملالہ پرحملے کا افسوس ہے مگرڈرون حملوں میں ہلاکتوں پرمذمت کون کرے گا مولانا فضل الرحمان

جمیعت علمائے اسلام کے سربراہ مولانافضل الرحمان نے کہا ہے کہ ہم ملالہ یوسف زئی پرحملے کی مذمت کرتے ہیں لیکن ڈرون حملوں میں ہلاکتوں پرمذمت کون کرے گا۔


اسلام آباد ائیرپورٹ پرمیڈیا سےگفتگوکرتےہوئےانہوں نے ملالہ پرحملےکی مذمت کرنے والوں میں سے کچھ لوگوں کو تنقید کا نشانہ بناتے ہوئے کہا کہ ان کےہاتھ خون سے رنگےہیں کیو نکہ جب مسجدوں پربمباری ہوتی ہےتووہ اس کی مذمت نہیں کرتے۔ انہوں نے کہا کہ ڈرون حملوں اور بم دھماكوں کے نتیجے میں ہزاروں كی تعداد ميں لوگ اپنی جانوں سے ہاتھ دھوچكے ہيں اس حوالے سے بھی ہمدردی كااظہاركياجانا ضروری ہے۔

مولانا فضل الرحمان نے کہا کہ کبھی ملالہ اور کبھی سلالہ کوبنیاد بنا کرایک طبقے کوختم کرنے کی کوشش کی جارہی ہے جس کی ہم بھرپورمذمت کرتے ہیں۔انہوں نے کہا کہ ملالہ پرحملہ ظالمانہ اقدام ہے اور یہ پختونوں کی راویت نہیں۔