بریگیڈیئررطاہرمسعود کی بازیابی کیلیے4 خصوصی ٹیمیںتشکیل

اسلام آبادپولیس نے سہالہ کے علاقہ سے اغوا ہونیوالے حساس ادارے کے بریگیڈیئر(ر)طاہر مسعودکی بازیابی کیلیے 4 خصوصی ٹیمیں تشکیل دیدیں۔


ذرائع کیمطابق آئی جی بنیامین خان کی زیرصدارت ہنگامی اجلاس میںفیصلہ کیاگیاکہ حساس ادارے کے اعلیٰ آفسر(ر) کوہرصورت بازیاب کرایا جائے گا، اس مقصدکیلیے پولیس کی مختلف چارٹیمیں تشکیل دینے کافیصلہ ہوا،ہر ٹیم کی سربراہی ایس پیزکودی گئی ان میںایس پی ساجدکیانی،ایس پی کیپٹن(ر)الیاس،ایس پی مستنصر اورایس پی سعادت علی شامل ہیں۔

ادھرتھانہ سہالہ پولیس نے واردات کے تیس گھنٹوںبعدجمعہ کی شام مغوی کی اہلیہ کی درخواست پرمقدمہ درج کر لیاہے،پولیس کی جانب سے واردات کامقدمہ نمبر 218زیردفعہ 265اور 302و دیگر دفعات کے تحت درج کیاگیاہے۔