شہر قائد میں برسات کی رُت مچھروں کی افزائش کا موسم

کراچی میں بارش کے گرم مرطوب موسم میں مادہ مچھروں کے انڈوں سے لاروے نکلنا شروع ہوجاتے ہیں، بارش کا موسم مچھروں کی افزائش نسل کا موسم ہوتا ہے۔


ماہرین طب کاکہنا ہے بارشوں کے موسم میں ایڈیزایچپٹی مادہ مچھروں کے انڈوں سے لاروے نکلنا شروع ہوجاتے ہیں جس کے کاٹنے سے ڈینگی وائرس ہوجاتا ہے، بارش کے موسم میں ملیریا کا سبب بننے والے مچھروں کی بھی تیزی سے افزائش ہوتی ہے، بارش میں جمع ہونیوالے پانی میں ملیریا کا سبب بننے والے مادہ مچھروں کے انڈوں سے مچھروں کی افزائش ہوتی ہے،ماہرین کے مطابق گلیوں یا گھروں کے سامنے جمع ہونے والے بارش کے پانی میں تھوڑا سا مٹی کا تیل ڈال دینا چاہیے،مٹی کا تیل پانی کی سطح پررہتا ہے جس سے آکسیجن پانی کے اندر نہیں پہنچ پاتی جس کی وجہ سے مچھروں کی افزائش رک جاتی ہے۔

ڈینگی وائرس کا سبب بننے والے مچھرعام مچھروں کے مقابلے میں کئی گنا لمبے ہوتے ہیں یہ مچھر دن کی بجائے صبح کے وقت خوراک حاصل کرنے کے لئے باہرنکلتے ہیں اورلوگوں کوکاٹ کر اپنی غذا حاصل کرتے ہیں جبکہ عام مچھر شام سے رات کے اوقات میں اپنی خوراک حاصل کرنے کے لئے باہرنکلتے ہیں، شہری اپنے گھروں میں جراثیم کش ادویات کا اسپرے کریں۔