پشاورمیں ڈپٹی کمانڈنٹ ایف آر پی پرخود کش حملہ اہلکار سمیت 2 افراد جاں بحق

حیات آباد میں فرنٹیئر ریزرو پولیس کی گاڑی کے قریب خود کش حملے کے نتیجے میں ایک اہلکار سمیت 2 افراد جاں بحق جب کہ ڈپٹی کمانڈنٹ ایف آر پی سمیت 3 اہلکار زخمی ہو گئے۔

ایس پی کینٹ رانا عبدالفاروق کا کہنا ہے کہ موٹر سائیکل پر سوار خودکش بمبار نے خود کو پشاور کے علاقے حیات آباد فیز5 میں ڈپٹی کمانڈنٹ ملک طارق ایف آر پی کی گاڑی سے ٹکرا دیا جس کے نتیجے میں ایک راہگیر جاں بحق جب کہ 4 پولیس اہلکار زخمی ہوگئے۔ امدادی ٹیموں کے اہلکاروں نے زخمیوں کو فوری طور پر ایچ ایم سی منتقل کیا جہاں ایک اہلکار زخموں کی تاب نہ لاتے ہوئے دم توڑ گیا۔


دھماکے کے بعد پولیس کی بھاری نفری نے جائے حادثہ کا محاصرہ کر کے شواہد اکٹھے کر لئے ہیں۔ دھماکے کی جگہ سے خود کش حملہ آور کے اعضاء بھی جمع کئے جا رہے ہیں۔

https://www.dailymotion.com/video/x2tkc3d_peshawar-attack_news