سینما مالکان عید پر پاکستانی فلموں کی نمائش کریں جاوید شیخ

فلم انڈسٹری کے سینئر اداکار جاوید شیخ نے کہا ہے کہ عید کے موقع پر پاکستانی فلموں کی نمائش کے ساتھ ہی فلم انڈسٹری کی بحالی کا ایک نئے دور کا آغاز ہوگا۔


سنیما مالکان کو بھی چاہیئے کہ وہ پاکستانی فلموں کو زیادہ سے زیادہ وقت دیں، عید پر کسی بھی بھارتی فلم کی نمائش پاکستان فلم انڈسٹری کے مفاد میں نہیں ہوگی۔ نمائندہ ایکسپریس سے گفتگو کرتے ہوئے جاوید شیخ نے کہا عید پر نمائش کے لیے پیش کی جانے والی پاکستانی فلمیں عمدہ،معیاری اور بھر پور تفریحی فلمیں ہوں گی جو عوام کو ضرور پسند آئیں گی۔

فلم انڈسٹری میں سرمایہ کاری کرنے والے بھی خوش ہیں کہ انھوں نے فلموں کی بحالی میں اپنا کردار ادا کیا ہے اور ان کی محنت وصول ہوگئی۔انھوں نے کہا نئے فنکاروں کے ساتھ سینئرز فنکاروں کو بھی کام کرنے کے موقع مل رہے یہ اچھی بات ہے ہمارے نوجوان ڈائریکٹر سینئرز کا احترام کرتے ہوئے ان کے تجربہ سے بھی فائدہ اٹھانے کی کوشش کررہے ہیں۔