سنجے دت کا کردارادا کرنا نہایت کٹھن کام ہے رنبیر کپور

بالی ووڈ کے چاکلیٹی ہیرو رنبیر کپوراداکار سنجے دت کی زندگی پربننے والی فلم میں مرکزی کرداراداکریں گے۔


بھارتی میڈیا کے مطابق اداکاررنبیر کپور کا کہناتھاکہ کسی بھی بڑے انسان کی زندگی کو اداکاری کی صورت میں ڈھالنا مشکل ہے تاہم میں بڑے پردے پر سنجے دت کا کردارضرور ادا کرنا چاہوں گا۔ انہوں نے کہا کہ سنجے دت کا کردار اداکرنا بہت کٹھن مگردلچسپ ہے جب کہ ان کی زندگی بھی مشکلات سے بھرپورہے تاہم اسے اسکرین پر دکھانا ایک دلچسپ عمل ہوگا۔

واضح رہے کہ بھارتی فلم انڈسٹری کے نامورڈائریکٹرراج کمار ہیرانی نے بالی ووڈ اداکار سنجے دت کی زندگی پر اگلے بر س فلم بنانے کا اعلان کیا ہے۔