وزیراعلی پنجاب کا آٹھویں جماعت کی کتاب میں غلط نقشے چھاپنے کی تحقیقات کا حکم

ISLAMABAD:
وزیراعلی پنجاب شہباز شریف نے آٹھویں جماعت کی جغرافیہ کی کتاب میں غلط نقشے چھپنے کا نوٹس لیتے ہوئے غلطی کی مکمل تحقیقات کا حکم دیا ہے۔

ایکسپریس نیوز کے مطابق وزیراعلی پنجاب نے نصابی کتاب میں غلطے نقشے چھپنے کا فوری نوٹس لیتے ہوئے صوبائی وزیرتعلیم اور سیکرٹری اسکولرز ایجوکیشن سے رپورٹ کرلی جب کہ وزیراعلی نے ہدایت کی آٹھویں جماعت کی کتاب میں غلط نقشے چھپنے پر ذمہ داروں کے خلاف کارروائی عمل میں لائی جائے۔


اس سے قبل گزشتہ روزاپوزیشن لیڈرمیاں محمود الرشید نے پنجاب ٹیکسٹ بک بورڈ کی نصابی کتاب میں غلطیوں کے خلاف قرارداد جمع کرائی جس میں نشاندہی کی گئی کہ آٹھویں جماعت کی جغرافیہ کی کتاب میں سرائیکستان اور صوبہ ہزارہ کا نقشہ شامل ہے اس کی وضاحت کی جائے۔

https://www.dailymotion.com/video/x2vkkxi_punjab-text-book-board_news