وزيراعظم نوازشریف ايک روزہ دورے پرآج كراچی پہنچيں گے

KARACHI:
وزيراعظم نواز شريف ايک روزہ دورے پر آج كراچی پہنچيں گے جب کہ اس دوران شہر میں گرمی کے بعد پیدا ہونے والی صورت حال جائزہ لیا جائے گا۔

وزيراعظم كی صدارت ميں وزيراعلیٰ ہاؤس ميں ايک اعلیٰ سطح كا اجلاس منعقد ہوگا ،جس ميں كراچی ميں حاليہ گرمی كے موسم ميں ہونے والی ہلاكتوں ،بجلی كے بحران ،حاليہ صورت حال پر قابو پانے كے لئے حكومتی اقدامات اور ديگر امور كا جائزہ ليا جائے گا ۔


وزيراعلیٰ سندھ كی جانب سے وزيراعظم كے سامنے كراچی ميں بجلی كی لوڈشيڈنگ اور كے اليكٹرک كی كاركردگی كا معاملہ اٹھايا جائے گا جب کہ قائم علی شاہ امن و امان اور بعض اہم امور پر وزيراعظم كو بريفنگ ديں گے ۔

ذرائع كا كہنا ہے كہ وزيراعظم كا جناح اسپتال كا دورہ بھي متوقع ہے جب کہ وزيراعظم دورے ميں امن و امان كے حوالے سے بھی اہم اجلاس بھی منعقد كرسكتے ہيں ۔