وزیراعظم 5 جولائی سے 4 ممالک کے دورے پر جائیں گے

وزیراعظم نواز شریف آئندہ ماہ 4 ممالک کے دورے پر جائیںگے، وزیراعظم رمضان کا آخری عشرہ اور نماز عید سعودی عرب میں ادا کریں گے۔


میڈیا رپورٹس کے مطابق وزیراعظم نوازشریف آئندہ ماہ 5جولائی سے روس سمیت 4 ممالک کا دورہ کریںگے۔ وزیراعظم اپنے 15روزہ غیرملکی دورے میں روس، برطانیہ، ناروے اورسعودی عرب جائیں گے۔ رپورٹ کے مطابق وزیراعظم دورہ روس کے دوران شنگھائی تعاون تنظیم کے اجلاس میں شرکت کریںگے جس کے بعدوہ برطانیہ جائیںگے جہاں اپناطبی معائنہ کرائیںگے۔ رپورٹ کے مطابق وزیراعظم نوازشریف رمضان المبارک کاآخری عشرہ سعودی عرب میں گزاریںگے اور نمازعید ادا کرنے کے بعد وطن روانہ ہوںگے۔