حکومت کووزیرستان میں آپریشن نہیں کرنے دیں گے چوہدری نثار

قومی اسمبلی میں قائد حزب اختلاف چوہدری نثارعلی خان نے کہا ہے کہ حکومت کو وزیرستان میں آپریشن نہیں کرنے دیں گے۔

قومی اسمبلی کے اجلاس میں اظہارخیال کرتے ہوئے چوہدری نثارعلی خان نے کہا کہ مولوی فضل اللہ افغانستان میں ہے جبکہ حکومت آپریشن وزیرستان میں کرنا چاہتی ہے۔ ایسی صورتحال میں حکومت کی جانب سے فوجی آپریشن بلا جواز ہو گا۔


قائد حزب اختلاف نے کہا کہ حکومت کی کہیں رٹ نظرنہیں آتی اور یہی وجہ تھی کہ تحریک انصاف کی ریلی کو وزیرستان جانے نہیں دیا گیا۔ انہوں نے کہا کہ لوگ اب اپنے آپ کوپہلے سے زیادہ غیرمحفوظ سمجھتے ہیں۔

چوہدری نثارعلی خان نے کہا کہ حکومت نے پیٹرولیم مصنوعات کے معاملے پر ایوان کی پیش کی گئی قراردادکی توہین کی اور قیمتیں مزید بڑھا دیں جس سے عوام کی مشکلات میں اضافہ ہو گیا ہے۔