ماڈل ایان کے حق میں این جی اوزاورسول سوسائٹی کااحتجاجی مظاہرہ

این جی اوز اور سول سوسائٹی سے وابستہ افراد کرنسی اسمگلنگ کیس میں گرفتار ماڈل ایان علی کے حق میں وفاقی دارالحکومت کی سڑکوں پر نکل آئے۔


ماڈل ایان علی کے حق میں این جی اوز اورسول سوسائٹی سے وابستہ افراد نے نیشنل پریس کلب اسلام آباد کے باہر مظاہرہ کیا۔ ایان علی کے وکیل خرم لطیف کھوسہ نے مظاہرین سے خطاب کرتے ہوئے کہا کہ ایان علی ملک کی نامورماڈل ہیں ان کا منی لانڈرنگ کے ساتھ کوئی تعلق نہیں، جس اندازسے سوشل میڈیا، پرنٹ والیکٹرونک میڈیا پرایان علی کو پیش کیاجارہا ہے یہ اچھے معاشرے کی علامت نہیں۔

واضح رہے کہ ایان علی اسلام آباد ایئرپورٹ پرکروڑوں روپے مالیت کی غیرملکی کرنسی دبئی لے جاتے ہوئے رنگے ہاتھوں گرفتارکیا گیا تھا۔