ڈرون تباہی پر بھارت سیخ پا گولہ باری سے 5 پاکستانی شہید 8 زخمی
بھارتی فورسز کی فائرنگ سے سیالکوٹ کے چپڑار سیکٹر میں 3 جب کہ راولا کوٹ کے نیزا پیر سیکٹر میں ایک لڑکی شہید ہوئی
پنجاب رینجرز کی جانب سے بھارتی گولا باری کا بھرپور جواب دیا جا رہا ہے۔ فوٹو: فائل
KARACHI:
بھارتی فورسز کی ایل او سی اور ورکنگ باؤنڈری پر بلا اشتعال فائرنگ اور گولہ باری سے 5 شہری شہید اور 8 زخمی ہوگئے۔
پاک فوج کے شعبہ تعلقات عامہ آئی ایس پی آر کے مطابق بھارتی سیکیورٹی فورسز نے سیالکوٹ کے چپڑار سیکٹر میں صالح پور، جمیاں اور پتوال نامی گاؤں میں بلا اشتعال فائرنگ اور گولا باری کی جس کے نتیجے میں 5 پاکستانی غلام مصطفیٰ، راحت، محمد بوٹا شہید و دیگر جب کہ 8 زخمی ہوگئے۔ بھارتی گولہ باری سے متعدد مکانات کو بھی شدید نقصان پہنچا جب کہ شہریوں کے درجنوں مویشی بھی ہلاک ہوگئے۔ پنجاب رینجرز کی جانب سے بھارتی گولا باری کا بھرپور جواب دیا جا رہا ہے۔
بھارتی فورسز کی جانب سے لائن آف کنٹرول پر راولا کوٹ کے نیزا پیر سیکٹر میں گاؤں نندی پور اور دیگر دیہاتوں میں بھی بلا اشتعال فائرنگ کی گئی جس کے نتیجے میں ایک 18 سالہ لڑکی شہید زرینہ شہید ہو گئی۔
واضح رہے کہ گزشتہ روز بھی جنگی جنون میں مبتلا بھارتی سیکیورٹی فورسز سیالکوٹ میں ورکنگ باؤنڈری کے پھوک لیان سیکٹر پر فائرنگ اور گولہ باری کی جس پر پنجاب رینجرز کی جانب سے بھی بھرپور جوابی کارروائی کی گئی۔
https://www.dailymotion.com/video/x2y8rl3_working-boundary-firing_news
دوسری جانب اسلام آباد میں سیکرٹری خارجہ اعزاز احمد چوہدری نے بھارت کے ہائی کمشنرٹی سی راگھون کو بھارتی جاسوس طیارے کی پاکستان کی فضائی حدود کی خلاف ورزی پراحتجاج ریکارڈ کرایا، انہوں نے کہا کہ فضائی حدود کی خلاف ورزی بین الاقوامی قانون، پاکستان کی علاقائی سالمیت، فضائی حدود کی خلاف ورزی کے معاملے پر 1991 کے معاہدوں اور فوجی مشقوں کی پیشگی اطلاع اور فوجیوں کی نقل و حرکت کے حوالے سے طے شدہ طریقہ کار کی کھلی خلاف ورزی ہے۔ سیکرٹری خارجہ نے 11 جولائی کو کنٹرول لائن کے ساتھ بھارت کے جانب سے ہیلی کاپٹر کی مشقوں پر بھی تشویش کا اظہار کرتے ہوئے اسے ایک حملے اور دھمکی کے مترادف قرار دیا۔
خارجہ سیکرٹری نے پکھلیاں اکھنور سیکٹر میں 15 جولائی کو بھارتی فورسز کی جانب سے جنگ بندی کی خلاف ورزی پر بھی احتجاج ریکارڈ کرایا، خارجہ سیکرٹری نے جمعرات کی صبح کنٹرول لائن اور ورکنگ باؤنڈری پرجنگ بندی کی خلاف ورزیوں پر بھی احتجاج کیا جس کے نتیجے میں 5 شہری شہید اور 8 زخمی ہوئے۔
خارجہ سیکرٹری نے اس بات پر زور دیا کہ کنٹرول لائن اور ورکنگ باؤنڈری کے ساتھ اور خطے میں بالعموم امن اور ہم آہنگی کا جذبہ برقرار رکھنے کیلئے یہ بات انتہائی اہمیت رکھتی ہے کہ جنگ بندی کے معاملے پر 2003 کی مفاہمت کو برقرار رکھا جائے، بھارت کے ہائی کمشنر نے ان کا پیغام اپنے حکام تک پہنچانے کا یقین دلایا۔
بھارتی فورسز کی ایل او سی اور ورکنگ باؤنڈری پر بلا اشتعال فائرنگ اور گولہ باری سے 5 شہری شہید اور 8 زخمی ہوگئے۔
پاک فوج کے شعبہ تعلقات عامہ آئی ایس پی آر کے مطابق بھارتی سیکیورٹی فورسز نے سیالکوٹ کے چپڑار سیکٹر میں صالح پور، جمیاں اور پتوال نامی گاؤں میں بلا اشتعال فائرنگ اور گولا باری کی جس کے نتیجے میں 5 پاکستانی غلام مصطفیٰ، راحت، محمد بوٹا شہید و دیگر جب کہ 8 زخمی ہوگئے۔ بھارتی گولہ باری سے متعدد مکانات کو بھی شدید نقصان پہنچا جب کہ شہریوں کے درجنوں مویشی بھی ہلاک ہوگئے۔ پنجاب رینجرز کی جانب سے بھارتی گولا باری کا بھرپور جواب دیا جا رہا ہے۔
بھارتی فورسز کی جانب سے لائن آف کنٹرول پر راولا کوٹ کے نیزا پیر سیکٹر میں گاؤں نندی پور اور دیگر دیہاتوں میں بھی بلا اشتعال فائرنگ کی گئی جس کے نتیجے میں ایک 18 سالہ لڑکی شہید زرینہ شہید ہو گئی۔
واضح رہے کہ گزشتہ روز بھی جنگی جنون میں مبتلا بھارتی سیکیورٹی فورسز سیالکوٹ میں ورکنگ باؤنڈری کے پھوک لیان سیکٹر پر فائرنگ اور گولہ باری کی جس پر پنجاب رینجرز کی جانب سے بھی بھرپور جوابی کارروائی کی گئی۔
https://www.dailymotion.com/video/x2y8rl3_working-boundary-firing_news
دوسری جانب اسلام آباد میں سیکرٹری خارجہ اعزاز احمد چوہدری نے بھارت کے ہائی کمشنرٹی سی راگھون کو بھارتی جاسوس طیارے کی پاکستان کی فضائی حدود کی خلاف ورزی پراحتجاج ریکارڈ کرایا، انہوں نے کہا کہ فضائی حدود کی خلاف ورزی بین الاقوامی قانون، پاکستان کی علاقائی سالمیت، فضائی حدود کی خلاف ورزی کے معاملے پر 1991 کے معاہدوں اور فوجی مشقوں کی پیشگی اطلاع اور فوجیوں کی نقل و حرکت کے حوالے سے طے شدہ طریقہ کار کی کھلی خلاف ورزی ہے۔ سیکرٹری خارجہ نے 11 جولائی کو کنٹرول لائن کے ساتھ بھارت کے جانب سے ہیلی کاپٹر کی مشقوں پر بھی تشویش کا اظہار کرتے ہوئے اسے ایک حملے اور دھمکی کے مترادف قرار دیا۔
خارجہ سیکرٹری نے پکھلیاں اکھنور سیکٹر میں 15 جولائی کو بھارتی فورسز کی جانب سے جنگ بندی کی خلاف ورزی پر بھی احتجاج ریکارڈ کرایا، خارجہ سیکرٹری نے جمعرات کی صبح کنٹرول لائن اور ورکنگ باؤنڈری پرجنگ بندی کی خلاف ورزیوں پر بھی احتجاج کیا جس کے نتیجے میں 5 شہری شہید اور 8 زخمی ہوئے۔
خارجہ سیکرٹری نے اس بات پر زور دیا کہ کنٹرول لائن اور ورکنگ باؤنڈری کے ساتھ اور خطے میں بالعموم امن اور ہم آہنگی کا جذبہ برقرار رکھنے کیلئے یہ بات انتہائی اہمیت رکھتی ہے کہ جنگ بندی کے معاملے پر 2003 کی مفاہمت کو برقرار رکھا جائے، بھارت کے ہائی کمشنر نے ان کا پیغام اپنے حکام تک پہنچانے کا یقین دلایا۔