شاہ رخ کی فلم ’’رئیس‘‘ کی پہلی 2 تصاویر جاری

بالی ووڈ سپر اسٹارشاہ رخ خان اور پاکستانی اداکارہ کی فلم ''رئیس'' کی پہلی تصاویر جاری کردی گئیں۔


بھارتی میڈیا کے مطابق گزشتہ روز جاری کی جانیوالی تصاویر میں شاہ رخ خان کو دکھایاگیا ہے جن میں سے ایک تصویر پر ''بنئے کا دماغ اور میاں بھائی کا ڈیرنگ'' کیپشن لکھا گیاہے ۔راہول ڈھولکیا کی ہدایتکاری میں بننے والی اس فلم کی کہانی 1980کی دہائی کے ایک انڈر ورلڈ ڈان رئیس کے گرد گھوم رہی ہے، جسے ایک ایماندار پولیس افسر کی مخالفت کا سامنا کرنا پڑتا ہے۔

فلم میں شار رخ خان کی اہلیہ کا کردار پاکستانی اداکارہ ماہرہ خان نبھاتی دکھائی دیں گی، جب کہ دیگر کاسٹ میں نواز الدین صدیقی اور عبد الاحد آصف بھی شامل ہیں۔ شاہ رخ خان کی اہلیہ گوری خان اور فرحان اختر کی مشترکہ پروڈیوس کردہ یہ فلم اگلے برس عید الفطر کے موقع پر نمائش کے لیے پیش کی جائے گی۔