سلمان خان فلم ’’سلطان‘‘ کےلیے اپنا وزن بڑھانے کو تیار

بالی ووڈ کے سپر اسٹار سلمان خان اپنی نئی آنے والی فلم ''سلطان'' میں باکسر کے کردار کے لیے اپنا وزن 10 کلو تک بڑھائیں گے۔


بالی ووڈ کے دبنگ سپر اسٹار سلمان خان اپنے قریبی دوست اور بالی ووڈ کے مسٹر پر فیکشنسٹ عامر خان کے نقش قدم پر چلتے ہوئے فلم کے کردار میں ڈھلنے کے لیے اپنا وزن بڑھائیں گے۔ سلمان خان اپنی نئی آنے والی فلم''سلطان'' میں باکسر کا کرداراداکررہے ہیں جس کے لیے انہیں اپنا 10 کلو وزن بڑھانا پڑے گا جب کہ سلمان خان کا کہناتھا کہ فلم کے مرکزی کردار کے لیے اپنا وزن بڑھاؤں گااور اپنے مسلزبھی مضبوط بناؤں گا جو کہ کردار کے لیے نہایت ضروری ہے۔

واضح رہے کہ عامر خان نے اپنی نئی آنے والی فلم''دنگل'' کے لیے 15 کلو سے زائد وزن بڑھالیا تھا۔