لندن میں پی ٹی آئی اورمتحدہ کاایک دوسرے کے خلاف مظاہرہ اور نعرے بازی

متحدہ قومی موومنٹ سیکریٹریٹ لندن کے سامنے پاکستان تحریک انصاف لندن اور ایم کیوایم کے کارکنوں نے ایک دوسرے کے لیڈروں کیخلاف مظاہرہ کیا جس میں دونوں طرف سے ایک دوسرے کیخلاف شدید نعرے بازی کی گئی۔


مظاہرہ کے دوران مخالف لیڈروں کے بارے میں بھی انتہائی نازیبا الفاظ استعمال کئے گئے، دونوں پارٹیوں کے کارکنوں نے ایک دوسرے پر پانی کی بوتلیں بھی پھینکیں، تحریک انصاف کے کارکنوں نے کراچی میں مبینہ دہشتگردی کے واقعات پر الطاف حسین کیخلاف برطانیہ میں مقدمہ درج کرنے کا مطالبہ کیا، تحریک انصاف کی طرف سے فیصل واڈا، جہانگیر خان، امجد خان، چوہدری شعبان، میاں وحید اوردیگر نے مظاہرین کی قیادت کی جبکہ ایم کیوایم کی طرف سے واسع جلیل، انور بھائی، سلیم شہزاد، ندیم نصرت، مصطفیٰ عزیز آبادی اور دیگر نے مظاہرین کی قیادت کی۔