منظور احمد وٹو پیپلز پارٹی پنجاب کے نئے صدراور تنویر کائرہ جنرل سیکریٹری مقرر
منظور احمد وٹو اور تنویر اشرف کائرہ کو یہ مینڈیٹ دیا گیا ہے کہ وہ اپنی مرضی سے پنجاب میں تنظیم سازی کریں.
منظور احمد وٹو اور تنویر اشرف کائرہ کو یہ مینڈیٹ دیا گیا ہے کہ وہ اپنی مرضی سے پنجاب میں تنظیم سازی کریں. فوٹو فائل
پیپلز پارٹی کی اعلیٰ قیادت نے امتیاز صفدر وڑائچ کو تبدیل کر کے منظور احمد وٹو کو پیپلز پارٹی پنجاب کا نیا صدر جبکہ تنویر اشرف کائرہ کو جنرل سیکریٹری مقررکردیا ہے۔
ایکسپریس نیوز کے مطابق پیپلز پارٹی کی اعلیٰ قیادت سینٹرل پنجاب میں امتیاز صفدروڑائچ کی پرفارمنس سے ناخوش تھی اور دن بہ دن ان کے خلاف شکایتیں موصول ہورہی تھیں کہ پارٹی کے اراکین کی ناراضگیوں میں کمی کے بجائے اضافہ ہورہا ہے جس کی بنا پر یہ فیصلہ کیا گیا۔
منظور احمد وٹو اور تنویر اشرف کائرہ کو یہ مینڈیٹ دیا گیا ہے کہ وہ اپنی مرضی سے پنجاب میں تنظیم سازی کریں اور ایسے لوگوں کو سامنے لے کر آئیں جو آنے والے انتخابات میں پارٹی کے لئے فائدہ مند ثابت ہوسکیں۔