باڑہ گولے گرنے سے ماں3بچوں سمیت ہلاکچوکی پر حملے میں اہلکار شہید

خیبرایجنسی کی تحصیل باڑہ اورپشاورکے سرحدی علاقے شیخان گائوںمیںایک مکان پر مارٹرگولے گرنے سے باڑہ سے نقل مکانی کرنیوالی ماں3بچوںسمیت جاں بحق ہوگئی جبکہ اسکاخاوندزخمی ہوگیا،گذشتہ رات گئے باڑہ کے قریبی بندوبستی گائوں شیخان میںدولت میرنامی قبائلی کے مکان پر نامعلوم سمت سے 3 مارٹرگولے گرے جسکے نتیجے میںدولت میرکی بیوی مہ جیبین بی بی ،ان کے 3بچے6سالہ بیٹاسید عمر،4سالہ بیٹی حمیدہ بی بی اوردوسالہ نادیہ موقع پرجاں بحق ہوگئے


جب کہ دولت میرشدید زخمی ہوگیا جس کی حالت تشویشناک بتائی جاتی ہے۔ دولت میرفرنٹیئرکورمیںملازم تھااورحال ہی میںچھٹی پر آیاہواتھا۔ پولیٹیکل انتظامیہ کے ایک افسرنے بتایاکہ مارٹر گولہ گرنے سے گھر کے دوکمرے بھی تباہ ہوگئے، مقامی پولیس افسر شفیع اللہ نے اے ایف پی کوبتایا کہ گولہ گرنے کے وقت تمام افرادسوئے تھے،مرنیوالے بچوں کی عمریں 2سے 9سال کے درمیان تھیں،

واقعہ کے بعدگائوں شیخان کے عوام نے بچوں کی لاشیں پشاور پریس کلب کے سامنے رکھ کراحتجاجی مظاہرہ کیا،ادھر پشاورکے نواحی علاقہ بڈھ بیر میں شدت پسندوںنے سکول کودھماکہ سے اڑادیا،عزیزمارکیٹ کے قریب پولیس چوکی کے قریب نامعلوم سمت سے3راکٹ فائرکیے گئے تاہم تمام ویرانے میںگرنے سے جانی نقصان نہیں ہوا،لوئردیرکے علاقہ جندول کے گائوںمیاںمنڈا کلے میں پولیس چوکی پردہشتگردوں کے حملے میں ایک اہلکار شہیدہوگیا،جوابی کارروائی پرحملہ آورفرارہوگئے،واقعہ کے بعدسرچ آپریشن میں 20 مشتبہ افرادگرفتارکرلیے گئے۔