فلائڈ مے ویدر شکست کے خوف سے مجھ سے نہ لڑنے کے بہانے ڈھونڈ رہا ہے عامر خان

پاکستانی نژاد برطانوی باکسر عامر خان کا کہنا ہے کہ امریکی باکسر شکست کے خوف سے مجھ سے نہ لڑنے کے بہانے ڈھونڈ رہا ہے۔

عامر خان نے اپنے ایک بیان میں کہا ہے کہ میرے ساتھ فائٹ کے لئے فلائڈ مے ویدر نے جو شرط رکھی ہے وہ بچکانہ ہے۔ ان کا کہنا تھا کہ مے ویدر مجھے سے نہ لڑنے کے بہانے ڈھونڈ رہا ہے، وہ شکست کے خوف سے مجھ سے مقابلہ نھیں کر رہا، مے ویدر کو عظیم باکسر کے طور پر یاد نھیں رکھا جائے گا۔


واضح رہے کہ مے ویدر کا کہنا تھا کہ اگر عامر خان نے مجھ سے فائٹ لڑنی ہے کہ تو پہلے ڈینی گارشیا کو ہرانا پڑے گا کیونکہ میں نے اسے شکست دی تھی۔