اینٹ کاجواب پتھرسے دینے تک بھارت بازنہیں آئے گا پرویزمشرف

سابق صدر پرویزمشرف نے کہاہے کہ پاکستان میں ہونے والی دہشت گردی میں بیرونی ہاتھ ملوث ہے۔ بھارتی جارحیت بڑھتی جارہی ہے، اینٹ کاجواب پتھرسے نہ دیاگیا توبھارت بازنہیں آئے گا۔ لیڈرشپ اچھی ہوگی توکرپشن نہیں ہوگی۔

تنظیم سازی کردی، بلدیاتی الیکشن میں بھرپور حصہ لیں گے۔ اے پی ایم ایل کی سینٹرل ایگزیکٹوکمیٹی کے اجلاس سے وڈیولنک خطاب کرتے ہوئے انھوں نے کہاکہ دہشت گردوں سے آخری وقت تک لڑناچاہیے۔


بلوچستان میں فرقہ واریت، دہشت گردی ہے۔ علیحدگی پسندوں کواپنے دورمیں کنٹرول کرلیا تھا۔ انھوں نے کہاکہ کراچی میں سیاسی اورفرقہ وارانہ دہشت گردی ہے اوررینجرز کی وجہ سے شہرکی صورتحال بہترہے۔

کوشش کی جائے کہ لوٹاہوا پیسہ پاکستان واپس لایاجائے۔ تحریک انصاف دھرنے کے بعد انتشارکا شکار ہوگئی۔ لیڈرشپ صحیح ہوگی توگورننس بہتر ہوگی۔ موجودہ حکومت اندرونی اختلافات کاشکار ہے۔ ہماری پوری حمایت پاک فوج کے ساتھ ہے۔ چین کے ساتھ دوستی ہے لیکن سب اپنے مفادمیں سوچتے ہیں۔