الیکشن کمیشن نے سندھ اور پنجاب میں 3 مرحلہ بلدیاتی انتخابات کی نئی تاریخوں کا اعلان کردیا
نئے شیڈول کے مطابق پہلے مرحلے میں پولنگ 31 اکتوبر، دوسرے مرحلے کیلئے 19 نومبر جبکہ تیسرے مرحلے میں ووٹنگ دسمبر کو ہوگی
کراچی کے 6 اضلاع میں بلدیاتی انتخابات کے لئے پولنگ تیسرے مرحلے میں ہو گی۔ فوٹو: فائل
الیکشن کمیشن نے سندھ اور پنجاب میں بلدیاتی انتخابات 3 مراحل میں کرانے کا فیصلہ کیا ہے جس کی نئی تاریخوں کا اعلان بھی کردیا گیا ہے۔
الیکشن کمیشن کے مطابق چیف الیکشن کمشنر اور سیکرٹری الیکشن کمیشن سے چیف سیکرٹری پنجاب اور سندھ نے ملاقات کی جس میں دونوں صوبوں کے چیف سیکرٹریز نے 12 اکتوبر کو بلدیاتی انتخابات کا پہلا مرحلہ شروع کرنے کے حوالے سے اپنے تحفظات کا اظہار کرتے ہوئے کہا کہ محرم الحرام کی وجہ سے انتظامات میں مشکلات درپیش ہوں گی لہذا بلدیاتی انتخابات کی تاریخ میں درو بدل کیا جائے۔ چیف الیکشن کمشنر اور سیکرٹری الیکشن کمیشن نے دونوں صوبوں کے چیف سیکرٹریز کی درخواست منظور کرتے ہوئے سندھ اور پنجاب میں بلدیاتی انتخابات کی نئی تاریخوں کو اعلان کردیا۔
الیکشن کمیشن کے مطابق بلدیاتی انتخابات کے نئے شیڈول کے تحت سندھ اور پنجاب میں پہلے مرحلے میں پولنگ 31 اکتوبر کو ہوگی جب کہ انتخابات کے دوسرے مرحلے میں پولنگ 19 نومبر کو ہوگی۔ الیکشن کمیشن کے مطابق پنجاب اور سندھ میں تیسرے مرحلے میں ووٹنگ 3 دسمبر کو ہوگی۔
الیکشن کمیشن کے مطابق بلدیاتی انتخابات کے لئے پہلے مرحلے کا شیڈول 26 اگست کو جاری کیا جائے گا جب کہ کاغذات نامزدگی 7 سے 11 ستمبر تک جمع کرائے جائیں گے۔ لاہور، بہاولپور، فیصل آباد، ویہاڑی اور لودھراں میں ووٹنگ پہلے مرحلے میں ہو گی اس کے علاوہ اوکاڑہ، پاک پتن، بہاول نگر، بھکر، قصور، ننکانہ صاحب، گجرات اور چکوال میں بھی پولنگ پہلے مرحلے میں ہوگی۔
دوسرے مرحلے میں پنجاب کے 12 اور سندھ کے 15 اضلاع میں پولنگ ہو گی جب کہ تیسرے مرحلے میں پنجاب میں 12 اور سندھ میں 6 اضلاع میں پولنگ ہو گی، کراچی کے 6 اضلاع میں بلدیاتی انتخابات کے لئے پولنگ تیسرے مرحلے میں ہوگی۔
https://www.dailymotion.com/video/x32j6ml_election-commission-schedule_news
الیکشن کمیشن کے مطابق چیف الیکشن کمشنر اور سیکرٹری الیکشن کمیشن سے چیف سیکرٹری پنجاب اور سندھ نے ملاقات کی جس میں دونوں صوبوں کے چیف سیکرٹریز نے 12 اکتوبر کو بلدیاتی انتخابات کا پہلا مرحلہ شروع کرنے کے حوالے سے اپنے تحفظات کا اظہار کرتے ہوئے کہا کہ محرم الحرام کی وجہ سے انتظامات میں مشکلات درپیش ہوں گی لہذا بلدیاتی انتخابات کی تاریخ میں درو بدل کیا جائے۔ چیف الیکشن کمشنر اور سیکرٹری الیکشن کمیشن نے دونوں صوبوں کے چیف سیکرٹریز کی درخواست منظور کرتے ہوئے سندھ اور پنجاب میں بلدیاتی انتخابات کی نئی تاریخوں کو اعلان کردیا۔
الیکشن کمیشن کے مطابق بلدیاتی انتخابات کے نئے شیڈول کے تحت سندھ اور پنجاب میں پہلے مرحلے میں پولنگ 31 اکتوبر کو ہوگی جب کہ انتخابات کے دوسرے مرحلے میں پولنگ 19 نومبر کو ہوگی۔ الیکشن کمیشن کے مطابق پنجاب اور سندھ میں تیسرے مرحلے میں ووٹنگ 3 دسمبر کو ہوگی۔
الیکشن کمیشن کے مطابق بلدیاتی انتخابات کے لئے پہلے مرحلے کا شیڈول 26 اگست کو جاری کیا جائے گا جب کہ کاغذات نامزدگی 7 سے 11 ستمبر تک جمع کرائے جائیں گے۔ لاہور، بہاولپور، فیصل آباد، ویہاڑی اور لودھراں میں ووٹنگ پہلے مرحلے میں ہو گی اس کے علاوہ اوکاڑہ، پاک پتن، بہاول نگر، بھکر، قصور، ننکانہ صاحب، گجرات اور چکوال میں بھی پولنگ پہلے مرحلے میں ہوگی۔
دوسرے مرحلے میں پنجاب کے 12 اور سندھ کے 15 اضلاع میں پولنگ ہو گی جب کہ تیسرے مرحلے میں پنجاب میں 12 اور سندھ میں 6 اضلاع میں پولنگ ہو گی، کراچی کے 6 اضلاع میں بلدیاتی انتخابات کے لئے پولنگ تیسرے مرحلے میں ہوگی۔
https://www.dailymotion.com/video/x32j6ml_election-commission-schedule_news