بٹل سیکٹرمیں بھارتی افواج کی بلااشتعال فائرنگ سے ایک شہری شہید آئی ایس پی آر

لائن آف کنٹرول پر بھارت کی جانب سے سیز فائر کی خلاف ورزی کا سلسلسہ جاری ہے جس میں بٹل سیکٹرپر بلا اشتعال فائرنگ کے تازہ واقعے میں ایک شہری شہید ہوگیا۔

آئی ایس پی آر کے مطابق لائن آف کنٹرول پربٹل سیکٹرمیں بھارتی فوج نے بلااشتعال فائرنگ کی جس کے نتیجے میں 30 سالہ شہری محمد اخترشہید ہوگیا، محمد اختر ڈھر بازار کا رہائشی تھا اور دریائے پونچھ سے ریت اکٹھی کررہا تھا کہ اس دوران بھارتی فوج کی فائرنگ کا نشانہ بن گیا۔

واضح رہے کہ گزشتہ کئی ہفتوں سے بھارتی افواج کی جانب سے لائن آف کنٹرول کی خلاف ورزی کی جارہی ہے جس کے نتیجے میں اب تک متعدد شہری شہید اور زخمی ہوچکے ہیں۔