عمران خان رشتہ ازدواج سے منسلک پشاورمیں دعوت ولیمہ کا اہتمام

قومی ٹیسٹ کرکٹر عمران خان رشتہ ازدواج سے منسلک ہوگئے ہیں اور ان کی دعوت ولیمہ مقامی ہال میں میں ہوئی۔


پشاور کے مقامی ہال میں منعقدہ عمران خان کے دعوت ولیمہ میں قومی ٹیم کے بیشتر کھلاڑی شامل نہیں تھے تاہم مقامی کھلاڑیوں کی بڑی تعداد میں شرکت کی، اس موقع پر عمران خان نے ایکسپریس نیوز سے بات کرتے ہوئے کہا کہ وہ اللہ تبارک تعالیٰ کا جتنا شکر ادا کریں اتنا ہی کم ہے کہ اس نے ملک کی نمائندگی کا خواب پورا کیا اور دنیا کی ہر نعمت سے نوازا۔

واضح رہے کہ عمران خان نے پاکستان کی جانب سے 5 ٹیسٹ میچوں میں 29.57 کی اوسط سے 14 وکٹیں حاصل کی ہیں۔ انہوں نے سری لنکا کے خلاف پالی کیلے ٹیسٹ کی دوسری اننگز میں 58 رنز دے کر 5 وکٹیں لی تھی اور قومی ٹیم کی فتح میں اہم کردار ادا کیا تھا.