سندھ حکومت نے صوبے میں سرکاری ملازمتوں پر پابندی عائد کردی

حكومت سندھ نے صوبہ كے تمام سركاری محكموں اور صوبائی حكومت كے زير انتظام خودمختار اداروں ميں نئی ملازمتوں پر پابندی عائد كردی ہے۔


محكمہ سروسز اينڈ جنرل ايڈمنسٹريشن نے اس ضمن ميں ايك نوٹی فكيشن جاری كرديا ہے جس ميں تمام سركاری محكموں اور صوبائی حكومت كے زير اہتمام خودمختار اداروں كے سربراہوں كو كہا گيا ہے كہ وزيراعلیٰ سندھ کی جانب سے جاری كی گئيں ہدايات پر سختی سے عملدرآمد كيا جائے۔ نوٹی فكيشن ميں كہا گيا ہے كہ وزير اعلیٰ سندھ نے تمام سركاری محكموں اور حكومت كے زير اہتمام خودمختار اداروں ميں ملازمتيں دينے پر مكمل پابندی عائد كردی ہے۔

حكومت سندھ كے ذرائع كے مطابق سندھ ميں سركاری ملازمتوں پر پابندی كا فيصلہ ان شكايات كے بعد كيا گيا جن ميں وزير اعلیٰ سندھ كو بتايا گيا تھا كہ سندھ كے كچھ محكموں اور حكومت كے زير انتظام خودمختار اداروں ميں غير قانونی طور پر بھرتياں كی جارہيں ہيں۔ ذرائع كا كہنا ہے كہ ان محكموں اور اداروں كی جانب سے اخبارات ميں اشتہار ديئے بغير اور ديگر قانونی لوازمات پورے كیے بنا ملازمتيں دی جارہی ہيں ۔