پاکستان سے چاول وگوشت خریدناچاہتے ہیںانڈونیشی قونصل جنرل
حکومت جلد ہی کوئی فیصلہ کرے گی،ہادی سنتوسو،فیڈریشن کے ظہرانے سے خطاب
انڈونیشیا 21سے25 اکتوبر تک ٹریڈ ایکسپو کا انعقاد کرے گا جبکہ نومبر یا دسمبر میں جکارتہ میں پاکستانی مصنوعات کی سنگل کنٹری نمائش ہوگی، ہادی سنتوسو۔ فوٹو : فائل
انڈونیشیا نے آسٹریلیا سے چاول اور گائے کے گوشت کی برآمد روک کر پاکستان سے چاول اور گوشت درآمد کرنے کاارادہ کیا ہے اور اس سلسلے میں انڈونیشی حکومت جلد ہی کوئی فیصلہ کریگی۔
ان خیالات کا اظہار انڈونیشیا کے کراچی میں قونصل جنرل ہادی سنتوسو نے بدھ کو وفاق ایوانہائے صنعت وتجارت(ایف پی سی سی آئی) کے قائم مقام صدر عبدالرحیم جانو کی جانب سے اپنے اور بنگلہ دیش کے ڈپٹی ہائی کمشنر نورالہلال سیف الرحمان کے اعزاز میں دیے گئے ظہرانے سے خطاب کے دوران کہی۔
اس موقع پر نورالہلال سیف الرحمان، عبدالرحیم جانو، نائب صدرچیمبر اکرام راجپوت نے بھی خطاب کیا جبکہ ناصر الدین شیخ،وحیدشاہ،بیگم سلمیٰ مراد، خالدہ خان اور دیگر بھی موجود تھے۔ ہادی سنتوسو نے کہا کہ انڈونیشیا 21سے25 اکتوبر تک ٹریڈ ایکسپو کا انعقاد کرے گا جبکہ نومبر یا دسمبر میں جکارتہ میں پاکستانی مصنوعات کی سنگل کنٹری نمائش ہوگی۔
انڈونیشی تاجربھی کراچی میں یہاں کے تاجروں کے تعاون سے سنگل کنٹری نمائش کرنے کو تیار ہیں۔بنگلہ دیش کے ڈپٹی ہائی کمشنر نورالہلال سیف الرحمان نے ویزا مسائل پر کہا کہ جو تاجر مکمل دستاویزات کے ساتھ ویزے کی درخواست دینگے انہیں فوری ویزا فراہم کر دیا جائیگا۔
انہوں نے کہا کہ پاکستانی باسمتی چاول بہت مہنگا ہے جبکہ دیگر ممالک میں سستا چاول دستیاب ہے۔ عبدالرحیم جانو نے کہا کہ پاکستانی تاجر بنگلہ دیش اور انڈونیشیا کے ساتھ باہمی تجارت کو فروغ دینا چاہتے ہیں جبکہ دونوں ممالک میں ایف پی سی سی آئی سنگل کنٹری نمائش کے انعقاد کو بھی تیار ہیں۔
ان خیالات کا اظہار انڈونیشیا کے کراچی میں قونصل جنرل ہادی سنتوسو نے بدھ کو وفاق ایوانہائے صنعت وتجارت(ایف پی سی سی آئی) کے قائم مقام صدر عبدالرحیم جانو کی جانب سے اپنے اور بنگلہ دیش کے ڈپٹی ہائی کمشنر نورالہلال سیف الرحمان کے اعزاز میں دیے گئے ظہرانے سے خطاب کے دوران کہی۔
اس موقع پر نورالہلال سیف الرحمان، عبدالرحیم جانو، نائب صدرچیمبر اکرام راجپوت نے بھی خطاب کیا جبکہ ناصر الدین شیخ،وحیدشاہ،بیگم سلمیٰ مراد، خالدہ خان اور دیگر بھی موجود تھے۔ ہادی سنتوسو نے کہا کہ انڈونیشیا 21سے25 اکتوبر تک ٹریڈ ایکسپو کا انعقاد کرے گا جبکہ نومبر یا دسمبر میں جکارتہ میں پاکستانی مصنوعات کی سنگل کنٹری نمائش ہوگی۔
انڈونیشی تاجربھی کراچی میں یہاں کے تاجروں کے تعاون سے سنگل کنٹری نمائش کرنے کو تیار ہیں۔بنگلہ دیش کے ڈپٹی ہائی کمشنر نورالہلال سیف الرحمان نے ویزا مسائل پر کہا کہ جو تاجر مکمل دستاویزات کے ساتھ ویزے کی درخواست دینگے انہیں فوری ویزا فراہم کر دیا جائیگا۔
انہوں نے کہا کہ پاکستانی باسمتی چاول بہت مہنگا ہے جبکہ دیگر ممالک میں سستا چاول دستیاب ہے۔ عبدالرحیم جانو نے کہا کہ پاکستانی تاجر بنگلہ دیش اور انڈونیشیا کے ساتھ باہمی تجارت کو فروغ دینا چاہتے ہیں جبکہ دونوں ممالک میں ایف پی سی سی آئی سنگل کنٹری نمائش کے انعقاد کو بھی تیار ہیں۔