ماجد جہانگیر کی وزیراعلیٰ پنجاب سے مالی مدد کی اپیل

اداکارماجد جہانگیر نے وزیراعلیٰ پنجاب شہباز شریف سے اپیل کی ہے کہ وہ ان کے علاج معالجہ کے ساتھ ساتھ مالی امداد بھی کریں۔


خادم اعلیٰ فنکارنواز اورہمدردانسان ہیں۔ جس طرح سے انھوں نے ماضی میں بہت سے فنکاروں کی امداد کی اوران کے علاج کے حوالے سے خصوصی اقدامات کیے، وہ اسی طرح کے احکامات میرے لیے بھی جاری کریں۔

ان خیالات کا اظہار ماجدجہانگیر نے '' ایکسپریس '' سے گفتگوکرتے ہوئے کیا۔ انھوں نے کہا کہ میری طبیعت دن بدن بگڑرہی ہے جب کہ مالی مشکلات کے باعث فیملی بھی بہت پریشان ہے۔ لیکن تاحال میری مدد کے لیے کوئی بھی سامنے نہیں آیا۔