میڈیا لاجک معاملہ پر ’’ایکسپریس‘‘ کا تحقیقات کا مطالبہ جائز ہے جاوید ہاشمی

سینئر سیاستدان مخدوم جاوید ہاشمی نے میڈیا لاجک اور ''ایکسپریس'' کے معاملات پر ایکسپریس کے مطالبے کی حمایت کرتے ہوئے کہا ہے کہ اس حوالے سے انکوائری یا جے آئی ٹی بنائی جانی چاہیے۔


موجودہ جدید دور میں ہمارے پاس ایسے ادارے ہونے چاہئیں جو کہ صحیح معنوں میں چینلز کی ریٹنگ بارے رائے دے سکیں۔ ایکسپریس نیوز و ایکسپریس کے دیگر ادارے انکوائری کے حوالے سے جو مطالبہ کر رہے ہیں اس پر عملدرآمد ہو جائے تو مسئلہ ختم ہو جائے گا۔

واضح رہے کہ میڈیا لاجک نے ایکسپریس میڈیا گروپ پر کپمنی کے ملازمین کو خرید کر ریٹنگ بڑھانے کا الزام عائد کیا ہے جب کہ ایکسپریس میڈیا گروپ کا کہنا ہے کہ میڈیا لاجک کے چیرمین نے ان سے کروڑوں روپے رشوت کا مطالبہ کیا تھا۔