ٹیلنٹ کے نئے ذخائر نے سینئر کرکٹرز پر دباؤ بڑھا دیا
ڈومیسٹک میں عمدہ پرفارم کرنے والے نوجوان کھلاڑی جگہ سنبھالنے کیلیے تیار ہیں، ہارون
ڈومیسٹک میں عمدہ پرفارم کرنے والے نوجوان کھلاڑی جگہ سنبھالنے کیلیے تیار ہیں، ہارون۔ فوٹو: فائل
ٹیلنٹ کے نئے ذخائر نے سینئر کرکٹرز پر دباؤ بڑھا دیا، چیف سلیکٹرز ہارون رشید کا کہنا ہے کہ ڈومیسٹک کرکٹ میں عمدہ کارکردگی کا مظاہرہ کرنے والے نوجوان کھلاڑی جگہ سنبھالنے کیلیے تیار ہیں۔
تفصیلات کے مطابق چیف سلیکٹر ہارون رشید کا کہنا ہے کہ زمبابوے اور انگلینڈ کیخلاف سیریز کے لیے کھلاڑیوں کا انتخاب دراصل سینئرز کیلیے ایک واضح پیغام ہے، انھیں سمجھ لینا چاہیے کہ اگر وہ توقعات پر پورا نہیں اترتے تو ڈومیسٹک کرکٹ میں عمدہ کارکردگی کا مظاہرہ کرنے والے نوجوان ان کی جگہ لینے کیلیے تیار ہیں۔
بی بی سی کو انٹرویو میں انھوں نے کہا کہ قومی ٹی ٹوئنٹی ٹورنامنٹ میں نئے کھلاڑیوں کی کارکردگی خوش آئند ہے، سلیکشن کمیٹی کی نظر میں آئندہ سال بھارت میں ہونے والا آئی سی سی ورلڈ ٹی20 بڑی اہمیت کا حامل ہے، اس کیلیے متوازن کامبی نیشن تیار کرنے کی کوشش کر رہے ہیں۔ انھوں نے کہا کہ زیادہ نوجوان کھلاڑیوں کو فوری طور پر انٹرنیشنل کرکٹ میں داخل نہیں کیا جا سکتا، تجربہ کارکرکٹرز فتوحات دلا رہے ہیں،ان کی موجودگی اہم لیکن مستقبل کو ذہن میں رکھتے ہوئے نئے باصلاحیت پلیئرز کو بھی موقع دیا جارہا ہے،عامر یامین کا سلیکشن بھی اسی سلسلے کی کڑی ہے۔
چیف سلیکٹر نے عمراکمل کے بارے میں کہا کہ قومی ایونٹ میں ان کی کارکردگی اچھی نہیں رہی،وہ مستقل مزاجی سے رنز بھی نہیں کررہے لیکن ایک ایسے بیٹسمین ہیں جو کسی بھی وقت میچ کا نقشہ بدل دے،انھیں ورلڈ ٹی ٹوئنٹی سے قبل زیادہ سے زیادہ مواقع اسی لیے دیے جارہے ہیں کہ دیکھ لیا جائے وہ کہاں کھڑے ہیں؟ واضح رہے کہ عمراکمل نے ٹی20 کپ کی پانچ اننگز میں صرف ایک نصف سنچری بنائی، باقی4اننگز میں وہ صرف47 رنز اسکور کرسکے، سہیل تنویر اس ٹورنامنٹ کے پانچ میچز میں صرف 3 وکٹیں حاصل کر پائے، ہارون رشید نے تسلیم کیا کہ ان کی کارکردگی بھی اچھی نہیں رہی، انہیں مستقل مزاجی لانا ہوگی۔
تفصیلات کے مطابق چیف سلیکٹر ہارون رشید کا کہنا ہے کہ زمبابوے اور انگلینڈ کیخلاف سیریز کے لیے کھلاڑیوں کا انتخاب دراصل سینئرز کیلیے ایک واضح پیغام ہے، انھیں سمجھ لینا چاہیے کہ اگر وہ توقعات پر پورا نہیں اترتے تو ڈومیسٹک کرکٹ میں عمدہ کارکردگی کا مظاہرہ کرنے والے نوجوان ان کی جگہ لینے کیلیے تیار ہیں۔
بی بی سی کو انٹرویو میں انھوں نے کہا کہ قومی ٹی ٹوئنٹی ٹورنامنٹ میں نئے کھلاڑیوں کی کارکردگی خوش آئند ہے، سلیکشن کمیٹی کی نظر میں آئندہ سال بھارت میں ہونے والا آئی سی سی ورلڈ ٹی20 بڑی اہمیت کا حامل ہے، اس کیلیے متوازن کامبی نیشن تیار کرنے کی کوشش کر رہے ہیں۔ انھوں نے کہا کہ زیادہ نوجوان کھلاڑیوں کو فوری طور پر انٹرنیشنل کرکٹ میں داخل نہیں کیا جا سکتا، تجربہ کارکرکٹرز فتوحات دلا رہے ہیں،ان کی موجودگی اہم لیکن مستقبل کو ذہن میں رکھتے ہوئے نئے باصلاحیت پلیئرز کو بھی موقع دیا جارہا ہے،عامر یامین کا سلیکشن بھی اسی سلسلے کی کڑی ہے۔
چیف سلیکٹر نے عمراکمل کے بارے میں کہا کہ قومی ایونٹ میں ان کی کارکردگی اچھی نہیں رہی،وہ مستقل مزاجی سے رنز بھی نہیں کررہے لیکن ایک ایسے بیٹسمین ہیں جو کسی بھی وقت میچ کا نقشہ بدل دے،انھیں ورلڈ ٹی ٹوئنٹی سے قبل زیادہ سے زیادہ مواقع اسی لیے دیے جارہے ہیں کہ دیکھ لیا جائے وہ کہاں کھڑے ہیں؟ واضح رہے کہ عمراکمل نے ٹی20 کپ کی پانچ اننگز میں صرف ایک نصف سنچری بنائی، باقی4اننگز میں وہ صرف47 رنز اسکور کرسکے، سہیل تنویر اس ٹورنامنٹ کے پانچ میچز میں صرف 3 وکٹیں حاصل کر پائے، ہارون رشید نے تسلیم کیا کہ ان کی کارکردگی بھی اچھی نہیں رہی، انہیں مستقل مزاجی لانا ہوگی۔