تعلیمی مصروفیات کے باعث فلم’’راجہ ہندوستانی‘‘ میں اداکاری سے انکار کیا ایشوریارائے

BARAGALI:
سابق حسینہ عالم اور بالی ووڈ کی اداکارہ ایشوریا رائے نے کہا کہ تعلیمی مصروفیات کے باعث فلم'' راجہ ہندوستانی'' میں کام کرنے سے انکار کیا تھا۔

بالی ووڈ کی شہرہ ٓفاق فلم ''راجہ ہندوستانی'' میں بالی ووڈ کے مسٹر پرفیکشنسٹ عامر خان اور اداکارہ کرشمہ کپور نے اداکاری کے جوہر دکھائے جب کہ فلم کو شائقین کی جانب سے بے حد سراہا گیا تھا تاہم اس فلم میں مسٹر پرفیکشنسٹ کے مد مقابل ایشوریا رائے کو کام کرنے کی پیشکش کی گئی تھی جسے انہوں نے ٹھکرادیا تھا۔


بالی ووڈ اداکارہ ایشوریا رائے کا بھارتی کامیڈی پروگرام میں فلم سے متعلق کہنا تھا کہ فلم''راجہ ہندوستانی'' میں عامر خان کے مد مقابل کام کرنے کی پیشکش کی گئی تھی تاہم تعلیم مکمل کرنے کے لیے پیشکش کو ٹھکرادیا تھا جس کے بعد حسینہ عالم بنی اور خود ہی فلم انڈسٹری سے وابستہ ہوگئی۔

واضح ر ہے کہ اداکارہ ایشوریا رائے آج کل اپنی نئی آنے والی فلم''جذبہ'' کی تشہیری مہم میں مصروف ہیں۔