مجھے گانوں کے لئے کسی گلوکار کی ضرورت نہیں سلمان خان

بالی ووڈ کے دبنگ خان نے کہا ہے کہ وہ اچھی آواز کے مالک ہیں اس لئے انہیں اپنے اوپر فلمائے گئے گیتوں کے لئے گلوکار کی ضرورت نہیں۔


بھارتی میڈیا کے مطابق ممبئی میں مقامی میوزک کمپنی کی تقریب کے دوران سلمان خان نے کہا کہ وہ اچھی آواز کے مالک ہیں جسے جدید ٹیکنالوجی اور میوزک سسٹمز کی مدد سے مزید بہتر کیا جاسکتا ہے، اس لئے وہ سمجھتے ہیں کہ ان پر فلمائے گئے گیتوں کے لئے انہیں کسی گلوکار کی ضرورت نہیں بلکہ وہ خود ہی اپنے گیت گا سکتے ہیں۔

واضح رہے کہ سلمان خان اپنی گزشتہ فلموں کک اور بجرنگی بھائی جان میں اداکاری کے ساتھ ساتھ اپنی آواز کا جادو بھی جگا چکے ہیں۔