پاکستانی فلم’’منٹو‘‘ کو کولکتہ فلم فیسٹیول میں نمائش کی دعوت

PESHAWAR:
21 ویں کولکتہ فلم فیسٹول میں پاکستانی افسانہ نگار سعادت حسن منٹو کی زندگی پر بننے والی فلم'' منٹو'' کو نمائش کی دعوت دی گئی ہے۔


''فن کی کوئی سرحد' نہیں ہوتی'' جسے پاکستانی فلم ''منٹو'' نے سچ ثابت کردیا ہے۔ 21 ویں کولکتہ فلم فیسٹیول کی کمیٹی نے پاکستانی افسانہ نگار سعادت حسن منٹو کی زندگی پر بننے والی فلم ''منٹو'' کی اسکریننگ کی دعوت دی ہے جس کے بعد فلم کو فیسٹیول میں پیش کیا جائے گا جب کہ فلم کے ڈائریکٹر اور اداکار سرمد سلطان کھوسٹ کو بھی فیسٹیول میں شرکت کی دعوت دی گئی ہے۔

کولکتہ فلم فیسٹیول رواں سال 14 سے 21 نومبر تک کلکتہ میں منعقد کیا جائے گا جس میں دنیا بھر سے فلموں کی اسکریننگ کی جائے گی۔