بھارتی پروڈیوسر کا عمران خان کی زندگی پرفلم بنانے کا فیصلہ

بالی ووڈ کے معروف پروڈیوسر راکیش اوپدھیا سابق پاکستانی کرکٹر اور معروف سیاستدان عمران خان کی زندگی پر فلم بنائیں گے۔


بالی ووڈ کی شہرہ آفاق فلم کھلاڑی 786 ، دی شوقین اور سردار جی فلم کے پروڈیوسر راکیش اوپدھیا ان دنوں پاکستان کے دورے پر ہیں جب کہ بھارتی پروڈیوسر سابق پاکستانی کرکٹر اور پاکستان تحریک انصاف کے چیرمین عمران خان کی زندگی پر فلم بنائیں گے۔

بھارتی پروڈیوسر نے بنی گالہ میں تحریک انصاف کے چیرمین عمران خان اور ان کی اہلیہ ریحام خان سے ملاقات میں فلم بنانے کی اجازت لی جس کے بعد فلم کی شوٹنگ کا جلد ہی آغاز کردیا جائے گا۔