پارٹی الیکشن جمہوری جماعت کی جانب اہم قدم ہوگاعمران

پاکستان تحریک انصاف کے چیئرمین عمران خان نے کہا ہے کہ پارٹی کے اندر انتخابات تنظیمی لحاظ سے نہایت اہمیت کے حامل ہوں گے اور ان کے اثرات آئندہ عام انتخابات پر بھی مرتب ہوں گے۔


خیبرپختونخوا کے پارٹی وفد سے ملاقات کرتے ہوئے انھوں نے کہا کہ ان انتخابات سے پاکستان کی تاریخ میں پہلی مرتبہ کسی سیاسی جماعت کی قیادت مکمل طور پر منتخب افراد کے ہاتھوں میں آجائے گی جو حقیقی جمہوری جماعت کی جانب ایک اہم قدم ہوگا،

انھوں نے کہا کہ پارٹی الیکشن میڈیا اور سول سوسائٹی کے نمائندوں کو بطور مبصر شرکت کی دعوت دی جائے گی، ملاقات میں ملک کی مجموعی صورتحال اور آئندہ انتخابات کے حوالے سے تفصیلی تبادلہ خیال کیا گیا۔