وزارت ریلوے کا 12 ٹرینوں کے کرائے میں 10 فیصد کمی کا اعلان

وزارت ریلوے نے 15 نومبر سے 14 دسمبر تک 12 ٹرینوں کے کرائے میں 10 فیصد کمی کا اعلان کیا ہے۔


ایکسپرس نیوز کے مطابق وزارت ریلوے نے 12 ٹرینوں کے کرائے میں 10 فیصد کمی کا اعلان کیا ہے جس کا اعلامیہ جاری کردیا گیا ہے جب کہ کرائے میں کمی 15 نومبر سے 14 دسمبر تک کی گئی ہے۔ وزارت ریلوے کی جانب سے جاری اعلامیے کے مطابق جن ٹرینوں کے کرایوں میں کمی گئی ہے ان میں ساندل ایکسپریس، سکھرایکسپریس، سمن سرکار ایکسپریس اور بدین ایکسپریس شامل ہیں۔

اعلامیہ میں لاثانی ایکسپریس، مہرایکسپریس، چناب ایکسپریس اورلالہ موسٰی ایکسپریس بدر ایکسپریس، غوری ایکسپریس، راوی ایکسپریس اورسرگودھا ایکسپریس کے کرایوں میں بھی کمی کی گئی ہے۔