رسالپور 129 ویں جی ڈی پائلٹ سمیت مختلف کورسز کی پاسنگ آؤٹ پریڈ

پی اے ایف اکیڈمی میں 129 ویں جی ڈی پائلٹ سمیت مختلف کورسز کی پاسنگ آؤٹ پریڈ منعقد کی گئی۔

پاسنگ آؤٹ پریڈ کے مہمان خصوصی چیف آف آرمی اسٹاف جنرل اشفاق پرویز کیانی تھے۔ پریڈ میں پاک فضائیہ کے سربراہ ایئر چیف مارشل طاہر رفیق بٹ نے بھی شرکت کی، پاسنگ آؤٹ پریڈ میں 129 ویں جی ڈی پائلٹ کورس میں اعزازی شمشیر پائلٹ آفیسر طلعت حسین، بہترین فلائنگ کی چیف آف ایئر اسٹاف ٹرافی عدنان شمعون اور 73 ویں انجینئرنگ کورس میں اعزازی شمشیر پائلٹ آفسر بلال حبیب نے حاصل کی جبکہ بلال حبیب نے چیئرمین جوائنٹ چیفس آف اسٹاف کی بھی ٹرافی حاصل کی۔


اس موقع پر چیف آف آرمی اسٹاف نے خطاب کرتے ہوئے کہا کہ گریجویشن اکیڈمی کو مبارکباد پیش کرتا ہوں آپ پر پاکستان کے دفاع کی ذمہ داری ہے موجودہ وار فیئر میں فضائیہ اور آرمی کی مشترکہ جنگی مشقوں کی بہت اہمیت ہے۔

جنرل اشفاق پرویز کیانی نے مزید کہا کہ تاریخ میں فضائیہ اور آرمی کے تعلقات ایسے نہیں تھے جیسے آج ہیں۔ انہوں نے جوانوں سے خطاب کرتے ہوئے کہا کہ آپ اپنے کردار، ٹیم ورک، مہارت، نظم و ضبط پر بھر پور توجہ دیں۔ انہوں نے پریڈ کا معائنہ بھی کیا۔