باکمال لوگوں کی لاجواب سروس بیٹے کے پاسپورٹ پر خاتون دبئی پہنچ گئیں

قومی ایئر لائن اپنے مسافروں کی روز ہی کوئی نا کوئی لاجواب خدمت کرتی ہے اور اب تو اس نے مرد کے پاسپورٹ پر خاتون کو بیرون ملک لے جانا شروع کردیا ہے۔


ایکسپریس نیوزکے مطابق 16 دسمبر کو لاہور ایئرپورٹ سے افشاں صدیق نامی خاتون مسافر اپنے شوہر کے ہمراہ برطانوی پاسپورٹ پرقومی ایئرلائن کی پرواز پی کے 203 سے دبئی پہنچیں، دبئی ایئرپورٹ پر موجود امیگریشن حکام نے دیکھا کہ خاتون کے پاس اپنا نہیں بلکہ کسی مرد کا پوسپورٹ ہے۔ جس پرافشاں صدیق کو ناصرف اگلی ہی فلائٹ سے دوبارہ لاہوربھجوا دیا گیا بلکہ پی آئی اے پر 5 ہزاردرہم جرمانہ بھی کردیا۔

لاہورمیں امیگریشن حکام کا کہنا ہے کہ افشاں صدیق کے پاس ان کے بیٹے کا پاسپورٹ تھا۔ ابتدا میں امیگریشن حکام نے مجرمانہ غفلت برتی اورپھر پی آئی اے حکام نے بھی انہیں بورڈنگ کارڈ جاری کردیا۔ واقعے کی تحقیقات شروع کردی گئی ہے۔