کمپیوٹر و آئی ٹی آلات کی درآمد پرٹیکس وڈیوٹیزگھٹانے پر غور

ایف بی آرکمپیوٹر و آئی ٹی انڈسٹری کو بحران سے بچانے کیلیے ویلیو ایشن رولز میں ترامیم سمیت دیگر ٹیکس تجاویزکا جائزہ لینا شروع کردیا ہے۔


'ایکسپریس' کو دستیاب دستاویز کے مطابق گزشتہ ماہ وزیراعظم کے مشیر برائے ریونیو ہارون اخترکی سربراہی میں ہونیوالے اجلاس میں شرکت کرنیوالے ملک کی کمپیوٹر و آئی ٹی انڈسٹری کے نمائندوں نے کمپیوٹر و آئی ٹی انڈسٹری کو درپیش مسائل کے بارے میں آگاہ کیا تھا۔

اس اجلاس میں وزیراعظم کے مشیر برائے ریونیو ہارون اخترنے کمپیوٹر وآئی ٹی انڈسٹری کے نمائندوں کو انڈسٹری کے جائز مسائل کے حل کیلیے تجاویز مرتب کرکے پیش کرنے کا کہا تھا۔ دستاویز میں بتایا گیا ہے کہ مذکورہ اجلاس میں زیر بحث آنے والے معاملات کی روشنی میں ایف بی آرکوکمپیوٹر و آئی ٹی انڈسٹری کی جانب سے تین صفحات پر مشتمل ٹیکس تجاویز موصول ہوئی ہیں جن کا جائزہ لیا جارہا ہے۔