امیتابھ بچن نے ’’وزیر‘‘ میں اپنے کردار کے راز سے پردہ اٹھا دیا

بالی ووڈ اداکارامیتابھ بچن جو ان دنوںفلم ''وزیر'' کی شوٹنگ میں مصروف ہیں نے ایک انٹرویو کے دوران اس فلم میںاپنے کردار کے راز سے پردہ اٹھا دیا ہے۔


امیتابھ بچن نے کہا ہے کہ وہ فلم ''وزیر'' میں ایک اپاہج شخص کا کردار ادا کر رہے ہیں جو ہر وقت وہیل چیئر پر بیٹھا رہتا ہے۔ ان کا کہنا تھا کہ ہدایتکار ودو ونود چوپڑا ان کے کردار کو حقیقت سے قریب تر بنانے کے لیے خاص ٹیکنالوجی کا استعمال کیا ہے اور انھیں شوٹنگ کے دوران تمام وقت اپنی ٹانگوں پر سیاہ موزے چڑھا کر انھیں رسی کے ساتھ مضبوطی سے باندھ کر بیٹھنا پڑا۔ واضح رہے کہ فلم میں امیتابھ بچن کے ساتھ فرحان اختر اور آدیتی راؤ حیدری بھی اہم کردار نبھارہے ہیں اور اسے 8جنوری کو نمائش کے لیے پیش کیا جائے گا۔