پنجاب اور خیبرپختونخوا میں بسوں کے کرایوں میں 30 فیصد تک کمی کردی گئی

سی این جی کی قیمتوں میں کمی کے بعد پنجاب اورخیبرپختونخوا میں بسوں کے کرایوں میں کمی کردی گئی۔

لاہور میں حکومت اور ٹرانسپورٹرز کے درمیان مذاکرات کے بعد بعد مشترکہ پریس کانفرنس کرتے ہوئے پنجاب حکومت کے نمائندے زعیم قادری کا کہنا تھا کہ سی این جی کی قیمت میں کمی کے بعد اندرون شہر(انٹرسٹی) اوردوسرے شہروں کو جانے والی (انٹراسٹی) سی این جی بسوں کے کرایوں میں کمی کا فیصلہ کیا گیا ہے، جس کا نوٹی فکیشن آج جاری کردیا جائےگا۔


سیکریٹری ٹرانسپورٹ پنجاب نے اس موقع پر کہا کہ ایک ہفتے کے لئے سی این جی اورڈیزل پر چلنے والی بسوں کے کرایوں میں کمی کی گئی ہے۔اعلامیے کے مطابق انٹر سٹی سی این جی بسوں کے کرایوں میں 30 فیصد جبکہ انٹراسٹی بسوں کے کرایوں میں 25 سے 28 فیصد کمی کی گئی ۔

دوسری جانب سی این جی کی قیمت میں کمی کے بعد پشاور میں بھی ریجنل ٹرانسپورٹ اتھارٹی نے کرایوں میں کمی کا اعلان کیا ہے۔