اسرائیلی فوج کی فائرنگ سے 4 فلسطینی نوجوان جاں بحق
گزشتہ سال اکتوبرسے اب تک اسرائیلی فوج کی جانب سے فائرنگ کر کے 143 فلسطینیوں کو شہید کیا جاچکا ہے۔
گزشتہ سال اکتوبرسے اب تک اسرائیلی فوج کی جانب سے فائرنگ کر کے 143 فلسطینیوں کو شہید کیا جاچکا ہے۔ فوٹو:فائل
اسرائیل فوجیوں نے فائرنگ کے 2 مختلف واقعات میں 16 سے 21 سال کی عمر کے 4 فلسطینی نوجوانوں کو فائرنگ کرکے شہید کردیا۔
غیرملکی خبررساں ادارے کے مطابق اسرائیل کے مشرقی مغربی کنارے اور شمالی مشرقی علاقے ہیبرون میں فائرنگ کے دو مختلف واقعات میں اسرائیلی فوجیوں نے 4 فلسطینی نوجوانوں کو قتل کردیا جن کی عمریں 16 سے 21 سال بتائی جاتی ہیں۔ اسرائیلی فوج کا دعویٰ ہے کہ 21 سالہ احمد کوازبی، 20 سالہ مہاند کوازبی اور اعلیٰ کوازبی نے مقبوضہ بیت المقدس میں فوجیوں پر چاقوؤں سے وار کرنے کی کوشش کی جس پر فوجیوں نے فائرنگ کر کے تینوں کو شہید کردیا۔
دوسری جانب صیہونی فوج کی جانب سے بربریت کا دوسرا واقعہ مغربی کنارے میں پیش آیا جہاں 16 سالہ نوجوان خلیل شلالدا کو چاقو رکھنے پرفائرنگ کا نشانہ بنایا گیا جو موقع پر ہی جاں بحق ہوگئے۔
واضح رہے کہ گزشتہ سال اکتوبرسے اب تک اسرائیلی فوج کی جانب سے فائرنگ کر کے 143 فلسطینیوں کو شہید کیا جاچکا ہے جب کہ اسرائیل کی جانب سے ہمیشہ یہی دعویٰ سامنے آیا ہے کہ فلسطینیوں کی جانب سے فوجیوں پر چاقوؤں سے وار کرنے کی کوشش کی گئی۔
غیرملکی خبررساں ادارے کے مطابق اسرائیل کے مشرقی مغربی کنارے اور شمالی مشرقی علاقے ہیبرون میں فائرنگ کے دو مختلف واقعات میں اسرائیلی فوجیوں نے 4 فلسطینی نوجوانوں کو قتل کردیا جن کی عمریں 16 سے 21 سال بتائی جاتی ہیں۔ اسرائیلی فوج کا دعویٰ ہے کہ 21 سالہ احمد کوازبی، 20 سالہ مہاند کوازبی اور اعلیٰ کوازبی نے مقبوضہ بیت المقدس میں فوجیوں پر چاقوؤں سے وار کرنے کی کوشش کی جس پر فوجیوں نے فائرنگ کر کے تینوں کو شہید کردیا۔
دوسری جانب صیہونی فوج کی جانب سے بربریت کا دوسرا واقعہ مغربی کنارے میں پیش آیا جہاں 16 سالہ نوجوان خلیل شلالدا کو چاقو رکھنے پرفائرنگ کا نشانہ بنایا گیا جو موقع پر ہی جاں بحق ہوگئے۔
واضح رہے کہ گزشتہ سال اکتوبرسے اب تک اسرائیلی فوج کی جانب سے فائرنگ کر کے 143 فلسطینیوں کو شہید کیا جاچکا ہے جب کہ اسرائیل کی جانب سے ہمیشہ یہی دعویٰ سامنے آیا ہے کہ فلسطینیوں کی جانب سے فوجیوں پر چاقوؤں سے وار کرنے کی کوشش کی گئی۔