کنگ خان اور کپل شرما ’’فلم فیئر ایوارڈ‘‘ میں ایک ساتھ میزبانی کے فرائض انجام دیں گے

بالی ووڈ کے رومانوی کنگ شاہ رخ خان اور کامیڈین کپل شرما ایک ساتھ معروف فلمی ایوارڈ فلم فیئر کی تقریب میں میزبانی کے فرائض انجام دیں گے۔


بالی ووڈ اسٹار شاہ رخ خان اداکاری کے ساتھ ساتھ میزبانی میں اپنی مثال آپ ہیں یہی وجہ ہے کہ مشہور فلمی ایوارڈ کی تقریب کو اپنی میزبانی اور برجستہ جملوں سے چار چاند لگاتے رہتے ہیں تاہم اب مشہور کامیڈین کپل شرما بھی ان کے ساتھ میزبانی کرتے نظر آئیں گے۔

میڈیا رپورٹس کے مطابق بالی شاہ رخ خان اور مشہور کامیڈین کپل شرما 61 ویں فلم فیئر ایوارڈ 2015 کی میزبانی کرتے نظر آئیں گے جب کہ ایوارڈ کی تقریب میں بالی ووڈ اداکاروں سمیت ممتاز شخصیات شرکت کریں گی اور ایوارڈ کی تقریب 15 جنوری کو منعقد کی جائے گی۔